കുമ്പളം
ഗ്രാമ പഞ്ചായത്ത്

എറണാകുളം ജില്ലയിലെ കണയന്നൂര്‍ താലൂക്കിൽ വേമ്പനാട്, കൈതപ്പുഴ കായലുകളാൽ ചുറ്റപ്പെട്ട മനോഹര ദ്വീപ് പ്രദേശമാണ് കുമ്പളം ഗ്രാമപഞ്ചായത്ത്. സാമൂഹികവും ഭൂമിശാസ്ത്രപരവുമായി ഏറെ പ്രാധാന്യമുള്ള ഈ പ്രദേശം പഴയകാലത്ത് നമ്പൂതിരി കുടുംബങ്ങളുടെയും പിന്നീട് നായർ കുടുംബങ്ങളുടെയും ഭൂവുടമസ്ഥതിയിലായിരുന്നു. ജാതിവിവേചനവും സാമൂഹിക അസമത്വവും ശക്തമായിരുന്ന കാലഘട്ടത്തിൽ താഴ്ന്ന ജാതിക്കാർക്ക് വിദ്യാഭ്യാസവും ക്ഷേത്രപ്രവേശനവും നിഷേധിക്കപ്പെട്ടിരുന്നു. 1945-ലെ ക്ഷേത്രപ്രവേശന വിളംബരവും 1970-ലെ ഭൂപരിഷ്കരണ നിയമവും കുമ്പളത്തിന്റെ സാമൂഹിക-സാമ്പത്തിക മുന്നേറ്റത്തിന് വലിയ മാറ്റങ്ങൾ സൃഷ്ടിച്ചു. ഭൂപരിഷ്കരണ സമരങ്ങളിലൂടെ നിരവധി കർഷകരും കുടികിടപ്പുകാരും ഭൂവുടമകളായി മാറി. നെൽകൃഷി, തെങ്ങ് കൃഷി, കയർ വ്യവസായം, തഴപ്പായ നെയ്ത്ത് തുടങ്ങിയവ ഇവിടെ പ്രധാന ഉപജീവന മാർഗങ്ങളായിരുന്നു. വിദ്യാഭ്യാസ രംഗത്ത് പനങ്ങാട് സെന്‍റ് ആന്‍റണീസ് സ്കൂൾ, കുമ്പളം സെന്‍റ് മേരീസ്...